“Kroacia ka mohuar gjithmonë operacionet e dhunshme dhe të paligjshme nga policia e saj për të detyruar azilkërkuesit të largohen,” thekson Lighthouse Reports.
Policia dhe zyrtarët kroatë po ndajnë informacione të ndjeshme rreth emigrantëve që përpiqen të hyjnë në vend përmes një grupi WhatsApp, raportoi një media e pavarur. Lighthouse Reports tha se mori 60 pamje të rrjedhura nga ekrani dhe ishte në gjendje të identifikonte 33 pjesëmarrës në një grup bisede të koduar të përdorur midis gushtit 2019 dhe shkurtit 2020.
“Kroacia gjithmonë ka mohuar çdo njohuri për operacione të dhunshme dhe të paligjshme nga policia e saj për të detyruar azilkërkuesit të largohen nga BE. Tani mund të zbulojmë se zyrtarë të lartë kroatë ishin pjesë e një grupi sekret WhatsApp, ku aktivitete të tilla ndaheshin dhe inkurajoheshin”, thekson Lighthouse Reports.
Nga atje ata raportuan se grupi u përdor për të shkëmbyer informacione rreth arrestimeve në Kroacinë perëndimore të mbi 1,300 personave, kryesisht të kombësisë afgane, pakistaneze dhe siriane.
Lajmi pretendon se grupi WhatsApp, i quajtur Korridori II-Perëndim, është përdorur nga policia për të lokalizuar dhe kapur emigrantë të parregullt. Shpesh shpërndaheshin fotografi të individëve me fytyra të dukshme.
“Në raste të caktuara, u shpërndanë fotografi shqetësuese të individëve dhe ndonjëherë të njerëzve të detyruar të shtriheshin me fytyrë për tokë ose të njerëzve që me sa duket u detyruan të hiqnin këpucët ndërsa policë kroatë të armatosur qëndronin mbi to,” thuhet në lajm.
Grupi u përdor gjithashtu për të shkëmbyer informacione për gazetarët që vizitonin zonën kufitare.
Zyrtarët kroatë as konfirmojnë dhe as mohojnë ekzistencën e grupit WhatsApp.
“Ne nuk mund ta dimë nëse këto mesazhe janë autentike. Korridori II-Perëndim nuk është një operacion i fshehtë. Është një aksion kundër kontrabandistëve të emigrantëve, intensivisht në pesë vitet e fundit”, tha ministri i Punëve të Brendshme, Davor Bozhinoviq.
Ai mohon akuzat për keqtrajtim të emigrantëve nga policia.
Ministria theksoi përmes një deklarate se grupi i krijuar në VatsApp nuk përfaqëson një situatë të caktuar të paligjshme.
Anëtari i BE-së, Kroacia iu bashkua zonës Shengen pa viza këtë vit dhe është përballur vazhdimisht me akuza për shtyrjen e migrantëve në kufijtë e saj.
Burimi: TRT Ballkan
