Punimet dhe aktivitetet tona nuk do të ishin kaq të larmishme dhe të suksesshme pa kontributin vetëmohues të qindra vullnetarëve që kemi pritur deri më tani. Puna e tyre e përkushtuar dhe entuziaste ka kontribuar në synimin tonë të përbashkët, duke na ndihmuar të ofrojmë ndihmë dhe mbrojtje humanitare për njerëzit në nevojë. Nëpërmjet punës së vullnetarëve, LEGIS ka rritur dhe intesifikuar aktivitetet e saja në fushën humanitare.

Jemi shumë mirënjohës për çdo minutë shërbimi dhe përkushtimi vetëmohues për kauzën e përbashkët për të ndihmuar njerëzit në nevojë!

Nëse jeni të interesuar të bashkoheni në aktivitetet tona vullnetare, ju lutemi ndiqni udhëzimet e mëposhtme.

VULLNETAR LOKAL (Maqedoni):

Ne gjithmonë inkurajojmë njerëzit nga komuniteti lokal që t’i bashkohen ekipeve tona. Stafi i LEGIS përbëhet nga vullnetarë vendas të cilët e kanë gjetur veten në sektorin humanitar dhe janë inkurajuar të ndjekin një karrierë profesionale në këtë fushë.

Ne do të përpiqemi të ofrojmë të gjithë hapësirën dhe udhëzimet që mund t’ju nevojiten për t’u siguruar që ta kaloni kohën tuaj të çmuar në mënyrën më të mirë të mundshme, duke kontribuar me vetëmohim për qëllimin tonë të përbashkët – të ndihmojmë njerëzit në nevojë. Detyrat dhe përgjegjësitë tuaja, si dhe zhvillimi juaj personal në sektorin humanitar, do të përshtaten me aftësitë dhe kualifikimet tuaja, duke pasur parasysh dëshirën tuaj për të mësuar.

Nëse dëshironi të shprehni interesim për t’u anëtarësuar në një nga misionet tona në Maqedoni, mund ta plotësoni këtë aplikacion. Pas dorëzimit të aplikacionit, ju do të kontaktoheni nga koordinatori ynë vullnetar, me të cilin do të bini dakord për detajet e shërbimit tuaj vullnetar në LEGIS sipas vullnetit tuaj dhe nevojave të LEGIS për burime njerëzore.

Për këtë drejtim do t’ju duhet:

• Formulari i plotësuar përmes aplikimit online
• Deklaratë që nuk jeni të gjykuar
• Marrëveshje për aktivitet vullnetar midis jush dhe LEGIS

Përvoja juaj do të bazohet në një Marrëveshje Aktiviteti Vullnetar midis jush dhe LEGIS. Për shërbimin tuaj, ju do të merrni një Certifikatë Vullnetarizmi që tregon kontributin tuaj bujar në misionin tonë.

VULLNETAR NDËRKOMBËTARË (Për pjesën jashtë vendit):

Pjesa më e madhe e punës së LEGIS varet nga vullnetarët tanë ndërkombëtarë. Gjatë dy viteve të fundit, ne kemi pritur më shumë se 150 vullnetarë ndërkombëtarë, duke punuar së bashku me ekipet tona lokale drejt një qëllimi të përbashkët.

Ne do të përpiqemi të ofrojmë të gjithë hapësirën dhe udhëzimet që mund t’ju nevojiten për t’u siguruar që ta kaloni kohën tuaj të çmueshme në mënyrën më të mirë të mundshme, duke kontribuar me vetëmohim për qëllimin tonë të përbashkët – të ndihmojmë njerëzit në nevojë. Detyrat dhe përgjegjësitë tuaja, si dhe zhvillimi juaj personal në sektorin humanitar, do të përshtaten me aftësitë dhe kualifikimet tuaja, duke pasur parasysh dëshirën tuaj për të mësuar.

Nëse dëshironi të shprehni interesim për t’u bashkuar me një nga misionet tona në Maqedoni, mund ta plotësoni këtë formular aplikimi. Pas dorëzimit të formularit, ju do të kontaktoheni nga koordinatori ynë vullnetar, së bashku me të cilin do të bini dakord për detajet e shërbimit tuaj vullnetar në LEGIS sipas vullnetit tuaj dhe nevojave të LEGIS për burime njerëzore.

Vullnetarët ndërkombëtarë që vijnë nga vendet e BE-së NUK do të kenë nevojë për vizë vullnetare nëse qëndrimi dhe aktiviteti i tyre në Maqedoni është më pak se 3 muaj. Ata do të kenë nevojë për një Leje Vullnetare të lëshuar nga Ministria e Punës dhe Politikës Sociale bazuar në Marrëveshjen e Aktit Vullnetar të nënshkruar me LEGIS, dy javë pas kërkesës zyrtare të LEGIS. Një vullnetar mund të fillojë aktivitetin e tij/saj vetëm pasi të ketë marrë Lejen e Vullnetarizmit.

Për angazhime më të gjata (më shumë se 3 muaj), vullnetari do të ketë nevojë për vizë vullnetare dhe leje qëndrimi në Maqedoni, që është një proces më i gjatë dhe më i ndërlikuar. LEGIS nuk merr asnjë përgjegjësi për mbulimin e kostove të procesit të marrjes së vizës vullnetare në Maqedoni.

Vullnetarëve ndërkombëtarë prej jashtë BE-së: Ne do të ofrojmë informacion shtesë pas marrjes së formularit të aplikimit.

Për këtë drejtim do t’ju duhet:

• Formulari i plotësuar i aplikimit online
• Deklaratë që nuk jeni i gjykuar
• Marrëveshje aktiviteti vullnetar midis jush dhe LEGIS
• Leje vullnetarizmi (ose vizë vullnetare dhe leje qëndrimi për vullnetarët që qëndrojnë më shumë se 3 muaj, të ardhur nga BE)

Ju lutemi vini re se, LEGIS aktualisht NUK është në gjendje t’ju sigurojë strehim dhe kompenzim të udhëtimit dhe shpenzimeve të tjera gjatë angazhimit tuaj. Kostot e aktiviteteve do të kompenzohen vetëm nëse miratohen më parë nga menaxheri i linjës ose koordinatori vullnetar.

Përvoja juaj vullnetare do të bazohet në një Marrëveshje Aktiviteti Vullnetar midis jush dhe LEGIS. Gjatë shërbimit tuaj, LEGIS do të ofrojë trajnime për orientimin e brendshëm, si dhe trajnime të tjera të brendshme të rëndësishme për të punuar në sektorin humanitar sipas nevojës dhe nëse ka. Për shërbimin tuaj, ju do të merrni një Certifikatë Vullnetarizmi që tregon kontributin tuaj bujar në misionin tonë.