Çdokush ka të drejtë të arsimohet! Por, tek ne jo çdokush ka qasje deri tek ndihma financiare për arsimim!
Të nderuar,
Ju ftojmë të kaloni çaste me ne përballë Universitetit të Evropës Juglindore në Shkup, gjatë ditës së premte me datë 03 qershor 2022!
Pse duhet ti përgjigjemi kësaj ftese më lartë?
Sepse edhe ju me siguri e keni kaluar periudhën e regjistrimit të vitit të parë ku bursat dhe ndihma financiare është pothuajse e pamundur dhe vështirësia për ta paguar semestrin e parë dhe të dytë tek ne haset me siguri 1 nga 5 të rinjë në RMV!
Çka do të ndodh?
Aktivitet Humanitar! Mblidhemi që nga ora 12:00 tek lokacioni i lartëpërmendur.
Semra Rashiti dhe Melisa Salihi janë përkujdesur që të përgadisin për ju Ekspozitë me temë “Varfëria dhe Të Rinjtë”. Këto piktura mund ti bleni dhe ky është hapi i parë që ju mund ta bëni për ta ndihmuar një student/studente që këtë vit akademik të regjistrohet në universitet.
Emina Amit është përkujdesur që të kemi edhe aksesuare punë dore të cilat mund gjithashtu ti bleni dhe të njejtat mjete automatikisht shkojnë për donacion.
Muzika dhe piktura shkojnë bashkë, kështu që do të argëtohemi edhe me muzikë në ndërkohë.
Profesorë e Profesoresha sikurse prof. Rizvan Sulejmani, prof. Arta Selmani, prof. Gadaf Rexhepi, prof. Bujamin Bela, prof. Ajtene Qamili (do të konfirmohen) sëbashku me përfaqësuesen e USSH-së Nermine Hamidi dhe përfaqësuesen nga LEGIS Mersiha Smailoviç dhe Jasmina Golubovska do të diskutojnë në dy panele mbi temat “ Të rinjtë dhe varfëria dhe Kushtet dhe Problemet e Studentëve “.
Të ftuar nga Ministria e Arsimit dhe Shkencës si dhe Ministria e Kulturës! (do të konfirmohen)
Kush janë organizatorët?
Ky aktivitet humanitar organizohet si rrjedhojë e idesë së Unionit Studentor Shqiptar si pjesë e rrjetit “E para” rrjeti për reaksion të shpejtë gjatë krizave dhe varfërisë, rrjet ky i formuar nga OJQ Legis në kuadër të Civica Mobilitas!
Ju mirëpresim të na shoqëroni nga ora 12:00 deri në ora 20:00!
