Мобилните тимови на ЛЕГИС постојано ја следат состојбата со нерегуларната миграција во Македонија од 2015 година.
По затворањето на Балканскиот хуманитарен коридор, таканаречената Балканска рута во март 2016 година, забележавме засилување на каналите за нерегуларна миграција во Македонија.
Почнувајќи од август 2016 година, ЛЕГИС работи во Липковско, со теренска канцеларија и тимови во селото Лојане. Тимовите обезбедуваат спасувачка помош во храна, вода, облека, ќебиња и други потребни предмети, медицински и други упати, додека ги следат прекршувањата на човековите права на бегалците и мигрантите кои го користат овој добро познат шверцерски канал за транзит кон Србија со цел да стигнат до Западна Европа.
Во последните неколку месеци, почнувајќи од август 2016 година до крајот на декември 2016 година, со нашите услуги во липковско пристигнуваме во просек до 750 луѓе месечно, од кои многу жени и деца доаѓаат од Блискиот Исток и Јужна Азија. Ги набљудуваме и редовно ги документираме практиките на туркање назад на српските власти, како и практиките на масовно протерување што се случуваат во последните неколку години до 2022 година.
