Иако напливот на бегалци е дел од глобалната хуманитарна криза, моменталната Влада нема свесност за сериозноста на ситуацијата. Владините тела не беа спремни да одговорат на кризата која ја зафати Македонија и нејзината ескалација, пред се заради географската позиција. Во одговорот на кризата голема улога имаа граѓанските активисти, за кои и Владата признава дека успеале да спречат поголема, од постоечката хуманитарна криза.

Освен самостојна работа, Легис соработуваше со меѓународни и локални организации со цел да се здружат силите и овозможи поголема помош со: УНИЦЕФ, УНХЦР, Македонско здружение на млади правници, НУН, Ла Страда, Црвениот Крст и др. Министерството за труд и социјална политика исто така даде свој придонес. Претставниците на невладините организации и активистите споделуваа информации преку социјалните мрежи како што за кризата беше користена групата на соц.мрежа „Фејсубк“ – „ Help the Refugees in Macedonia “